Wikiquote:Vandalismo

En Galicitas, o Wikiquote en galego.
Atallo:
WQ:VA
Vandalismo na Wikipedia en castelán.

O vandalismo en Wikiquote refírese a unha forma de edición que levan a cabo persoas que teñen como diversión estragar o traballo doutros colaboradores ou crear artigos lixo, sen ningún tipo de contido enciclopédico nin de interese. Estas edicións son, por norma xeral, feitas por enderezos IP, aínda que outros rexístranse como usuarios só co propósito de vandalizar o wiki. Este é un dos grandes problemas de Wikiquote.

Medidas para evitar os vandalismos[editar]

  1. En primeiro lugar, calquera usuario con dereitos de administrador do sistema, pode bloquear un usuario se dá calquera tipo de problemas, sempre e cando siga a política e normas sobre os bloqueos.
  2. En segundo lugar, existe outra medida que se pon en marcha nalgúns wikiquotes, consistente en forzar a que os usuarios anónimos teñan que usar o botón "Amosar a vista previa" antes de poder gardar a súa edición. É o caso, por exemplo, da Galipedia.
  3. Por último, a terceira trátase de impedirlles aos anónimos a creación de novos artigos, aínda que seguen a ter o dereito de editar as páxinas xa creadas. Esta medida está imposta, por exemplo, na Wikipedia en inglés.

O vandalismo non prospera[editar]

Malia os graves problemas que isto semella presentar a simple vista, o vandalismo, en xeral, non prospera en Wikiquote. Dado que a maior parte do público de Wikiquote ten boas intencións e, daquela, os vandalismos son minoritarios nas edicións diarias, as desfeitas rara vez conseguen permanecer por moito tempo sen seren borradas ou revertidas.

A maioría dos vándalos son anónimos, pois Wikiquote permite a edición dos seus artigos sen rexistrarse previamente, como xa dixemos. Algúns casos extremadamente raros teñen pasado nos que un usuario rexistrado comete actos de vandalismo reiteradas veces. Estes últimos casos adoitan corresponder coa expresión de motivacións ideolóxicas, culturais ou relixiosas, que empurran o vándalo a continuar editando e tentar impoñer as súas crenzas.

Véxase tamén[editar]

Outros artigos[editar]