Wikiquote:Como engadir imaxes

Neste artigo explícase como engadir imaxes a un artigo calqueira da Wikiquote. Pódense engadir imaxes xa existentes ou incorporar imaxes propias novas. As xa existentes poden estar gardadas nun repertorio común a todos os proxectos chamado Commons ou ben estar gardadas exclusivamente para a Galicitas.

Cargar imaxes

Usa a ligazón «Cargar un ficheiro» que está no cadro de ferramentas, ou no listado de páxinas especiais.

Calcando sobre «Examinar» (Browse) procure no seu ordenador o ficheiro que quer cargar no servidor. Isto abrirá un cadro de diálogo de «Seleccionar ficheiro» (Choose File) ou semellante. Cando atope o ficheiro, seleccione «Abrir» (Open), co que se seleccionará o ficheiro e se pechará o cadro de diálogo de «Seleccionar ficheiro».

Calque sobre o botón «Subir un ficheiro». O ficheiro comezará a transferirse para o servidor. Isto pode levar algún tempo, dependendo do tamaño do ficheiro e da velocidade de conexión.

Cando a transferencia se complete con éxito, aparecerá unha mensaxe notificándoo.

Non esqueza o seguinte:

Pódense cargar tantos ficheiros coma se desexe, pero por favor, sen tentar ningún acto de vandalismo contra o servidor. Vér «Política de uso de imaxes»
Todas as transferencias de carga e as eliminacións gárdanse nun («Rexistro de cargas»).
No campo Resume débese escribir un texto para a Páxina de descrición de imaxe.
Hai que marcar a casilla mediante a cal cando se nos presente:

«Afirmo que o dono do copyright deste ficheiro está dacordo en licencialo baixo os termos de copyright da Wikiquote.»

Convén redixir unha pequena descrición da imaxe, usando o modelo que se pode atopar en Wikipedia:Política de uso de imaxes.

Subir imaxes a Commons

Para subir imaxes a Commons o procedemento é exactamente igual que o explicado anteriormente. A única diferenza é que aló utilízase o inglés. Polo tanto no canto de «Subir un ficheiro» terá que pulsar «Upload file», polo demáis todo é igual. Ten á súa disposición moitos modelos (templates) para indicar a licenza da imaxe. Debe consultalas e velas antes de subir imaxes.

A principal vantaxe de subir imaxes a Commons é que poden ser usadas por todos os proxectos de Wikimedia sen ter que subilas a cada un dos proxectos.

Ligar a imaxe desde un documento da Galicitas

Dende a páxina correspondente, crear a seguinte ligazón:

[[Image:«Nome_do_ficheiro»|Texto alternativo]]

Pódese facer co botón http://gl.wikipedia.org/style/images/button_image.png que aparece na barra de botóns que está enriba da caixa de edición (ainda que é posible que non apareza no seu navegador). Seleccione o nome do ficheiro e o texto alternativo —separados por unha barra |— e prema no botón. Escribirá [[Image por diante e ]] por detrás.

«Nome_do_ficheiro» é o nome que ten a imaxe incluindo a súa extensión, que se utiliza para indicar o formato da imaxe agregada (.jpg, .png, etc.). De ser posíbel non use o formato .gif, Pódese substituir polo .png. (lea isto)

O «texto alternativo» debera conter unha breve descripción da imaxe. Este texto preséntase nun texto flotante ou se a imaxe non se carga co resto da páxina. É tamén importante para as persoas cegas que usan lectores de pantalla.

Soamente falta refrescar a páxina correspondente para comprobar a ligazón.

Opcións de presentación

A sintaxe anterior é a básica para mostrar unha imaxe tal cal nun artigo. A seguinte sintaxe dá máis posibilidades e é compatíbel coa anterior:

[[Image:''<<Nome_do_ficheiro>>''|''opcións''|Texto alternativo]]

As opcións disponíbeis son:

thumbnail, thumb: xera unha imaxe en miniatura (thumbnail), aliñada por omisión á dereita, co texto alternativo escrito no pé de foto. Móstrase tamén unha icona de aumento. Exemplo: [[Image:Loch lochy.jpg|thumbnail|Lago Lochy en Escocia]]
framed: engade un marco con pé de foto á imaxe, igual ao de thumb, mais non reduce a imaxe.
right: aliña a imaxe á dereita; pódese especificar con ou sen thumb.
left: idem, pero aliñado á esquerda.
none: a imaxe preséntase sen texto nas súas marxes, ainda que se engadise a opción thumbnail.
anchura px: xérase unha versión en miniatura coa anchura en pixels especificada (p.e. '150px'). A altura calcúlase de modo que se manteña a proporción.

As barras verticais «|» empréganse para separar as opcións entre si, e entre a derradeira e o texto alternativo. As opcións descoñecidas pásanse por alto e a derradeira opción emprégase sempre como texto alternativo.

Exemplo dunha imaxe sen texto no pé:

[[Image:Loch lochy.jpg|right|]]

A derradeira barra vertical asegura que o texto alternativo sexa "Loch lochy.jpg" e non right.

As opcións pódense combinar, por exemplo:

Lago Lochy en Escocia

[[Image:Loch lochy.jpg|left|80px|Lago Lochy en Escocia]] (80 px de ancho, á esquerda) ou

[[Image:Loch lochy.jpg|thumb|80px|Lago Lochy en Escocia]] (80 px de ancho, miniatura, mostrada á dereita).

Cancelar o modo «texto ao redor da imaxe»

Despois de pór un texto a un lado ou outro dunha imaxe, para pór novo texto por debaixo, usando de novo todo o ancho disponíbel, hai que escribir antes <br style="clear:both;">.

Cargar unha nova versión da imaxe

Para substituir unha imaxe cargada previamente, por actualización da mesma ou do artigo, basta con cargar unha imaxe que teña o mesmo nome. Nestes casos por cuestións técnicas relacionadas co teu navegador (a memoria caché) pode que non se vexa a nova versión da imaxe de inmediato.

Tamaño dos ficheiros

Suba imaxes que ocupen pouco espazo. O tamaño ideal son 35 KB ou menos, xa que nos axuda a aforrar espazo no servidor e axiliza a visualización dos documentos para aqueles ordenadores con conexións de baixa velocidade. Recóllense varios consellos en «Como facer que as imaxes pesen pouco».