Subcomandante Marcos

En Galicitas, o Wikiquote en galego.
Marcos (1999)

Subcomandante Marcos (ou tamén Delegado Zero) é o seudónimo do voceiro do Exército Zapatista de Liberación Nacional mexicano. As súas primeiras intervencións públicas como voceiro de dito movemento político-militar datan do primeiro de xaneiro de 1994, primeiro día da insurrección zapatista en Chiapas.

Citas do Subcomandante Marcos[editar]

  • "A todo isto de que se Marcos é homosexual: Marcos é gay en San Francisco, negro en África do Sur, asiático en Europa, chicano en San Isidro, anarquista en España, palestino en Israel, indíxena nas rúas de San Cristovo, chavo banda en Neza, rockeiro en CU, xudeu en Alemaña, ombudsman na Sedena, feminista nos partidos políticos, comunista na post guerra fría, preso en Cintalapa, pacifista en Bosnia, mapuche nos Andes, mestre na CNTE, artista sen galería nin portafolios, ama de casa un sábado á noite en calquera colonia de calquera cidade de calquera México, guerrilleiro no México de finais do século XX, folguista na CTM, reporteiro de nota de recheo en interiores, machista no movemento feminista, muller soa no metro ás 10 P.M., xubilado no plantón no Zócalo, campesiño sen terra, editor marxinal, obreiro desempregado, médico sen praza, estudante inconforme, disidente no neoliberalismo, escritor sen libros nin lectores, e, é seguro, zapatista no surleste mexicano. En fin, Marcos é un ser humano, calquera, neste mundo. Marcos é tódalas minorías intoleradas, oprimidas, resistindo, estoupando, dicindo "Xa abonda!". Tódalas minorías á hora de falar e maiorías á hora de calar e aturar. Tódolos intolerados buscando unha palabra, a súa palabra, o que devolva a maioría aos eternos fragmentados, nós. Tódolo que amola ao poder e ás boas conciencias, iso é Marcos."
  • "É bo para este exército proporse como a súa meta máis alta desaparecer."
  • "E ollen o que son as cousas xa que, para que nos vesen, nos tapamos o rostro; para que nos nomearan, nos negamos o nome; apostamos o presente para ter futuro; e para vivir... morremos."
  • "Irmaos e irmás doutras razas, doutra cor, pero co mesmo corazón."
  • "O mundo que queremos é un onde caiban moitos mundos. A patria que construímos é unha onde caiban todos os pobos e as súas linguas, que todas as pegadas a camiñen, que todos a rían, que a amañezan todos."
  • "Se non podes ter a razón e a forza escolle sempre a razón e deixa que o inimigo teña a forza. En moitos combates pode a forza obter a vitoria, pero a loita toda só a razón vence. O poderoso nunca poderá sacar razón da súa forza, pero nós sempre poderemos obter forza da razón."
Citado en Marcos, o Señor dos espellos, de Manuel Vázquez Montalbán.
  • "Somos a cor da terra".