Pazo de Dodro
O pazo de Dodro é unha construción civil situada en Vigo, no concello de Dodro. Coñécese tamén co nome de pazo de Vigo ou como torre do marqués de Bendaña.
[...]
Carlos Josef Piñeiro e Ulloa, sabemos que posuía en Dodro unha importante biblioteca. Nun artigo publicado no periódico La Noche o 25 de xullo de 1947, Sánchez Cantón [...] detállanos as case cento cincuenta obras que a compoñían e que se atopaban polo visto na sala e na antesala da torre: vidas de reis e de santos, crónicas de batallas e conquistas, historias piratas e de terras ultramarinas, obras de Cervantes, Lope e Tirso, de Góngora e Quevedo, de Frei Antonio de Guevara, de Camoens, o nobiliario de Vasco de Aponte ou as Armas y triunfos de Galicia de Frei Felipe de la Gándara… O reconto faise o 21 de maio de 1947, pero non se explica onde.
[...]
- Manuel Lorenzo Baleirón, nun artigo sobre o pazo publicado en La Voz de Galicia en 2020.[1]
Nos desertos abrolham coloridos (que ricos!) mandiles
que propagam a vaga misteriosa
do silêncio e da fome, dissera Rosalía
de Castro, uma manhã de névoas anuzidas,
enquanto em Dodro ia a Companha marítima
avançando do mar de Corrubedo ao paço
de Vigo polo río San Lufo. Nos desertos
caminham raparigas, torradas pola fúria
do verão e do látego. As ânimas dos mortos
das junqueiras progridem em silêncio no Lufo
[...]
- Adela Figueroa Panisse, no poema Deserto do Saara, recollido no libro 150 Cantares para Rosalía de Castro (2015).[2]
[...]
Os elementos dun pazo moi destruído (o de Dodro) permitíronlle colocar unha magnífica balaustrada no bordo da explanada sobre o muro.
A vista do Pazo de Meirás quedou así moi mellorada.
Estas vellas pedras do pazo de Dodro contribuíron moitísimo a embelecer o de Meirás
[...]
- Juan Castañón de Mena, a través do seu testimonio para o libro Franco visto por sus ministros (1981).[3]
[...]
Na capela, onde a lentura do barroco prende en ouros ultramarinos
e exercita as súas mazás e os seus acios ubérrimos,
arrecende a marea baixa, a incenso, a cera [...]
Nas súas estancias, cheas de vento e saudade,
vibrou un tempo a fidalga voz antiga;
as bicudas xerras sargadelas,
nun XVIII con frautas e spinettas [...],
cando a señorial repostería aromaba a tarde de fornadas [...]
¡Canela de Ceilán! ¡Moscada das Molucas!
¡Fiuncho e loureiro dos ribazos de Rianxo!
- Urbano Lugrís, nun artigo sobre o pazo publicado en El Museo de Pontevedra en 1956.[4]
[...]
En 1.º de maio procedeuse ó inventario dos bens mobles do pazo de Dodro, que era e non sei se é, un dos máis fermosos entre os barrocos da rexión. Acháronse os libros na sala da torre e na súa antesala; non chegan a cento cincuenta; pero, comproba o seu exame particularidades que fan digna de estudo esta colección
[...]
- F. J. Sánchez Cantón, nun artigo sobre o pazo publicado en La Noche en 1947.[5]
Notas[editar]
- ↑ Lorenzo Baleirón, Manuel (01-12-2020). "O patrimonio de Dodro no Pazo de Meirás". La Voz de Galicia. Consultado o 20-12-2020.
- ↑ 150 Cantares para Rosalía de Castro (PDF). 2015. pp. 65–66. —Deserto do Saara, poema de Adela Figueroa Panisse.
- ↑ Bayod, Ángel (1981). Franco visto por sus ministros (pdf) (en castelán). Barcelona: Editorial Planeta. p. 181. ISBN 84-320-5676-6. Consultado o 20-12-2020. —Tradución da Galipedia do texto orixinal: Los elementos de un pazo muy destruido (el de Dodro) le permitieron colocar una magnífica balaustrada en el borde de la explanada sobre el muro. La vista del Pazo de Meirás quedó así muy mejorada. Estas viejas piedras del pazo de Dodro contribuyeron muchísimo a embellecer el de Meirás [...]
- ↑ Lorenzo Baleirón, Manuel (2008). Toponimia de Dodro e de Laíño. Os nomes na auga (PDF). p. 226. Consultado o 20-12-2020.
- ↑ Sánchez Cantón, F. J. (25-07-1947). "Los libros que heredó y no pudo leer el Marquesito de Bendaña en 1730". La Noche. p. 2. Consultado o 22-12-2020. —Tradución da Galipedia do texto orixinal: En 1.º de mayo se procedio al inventario de los bienes muebles del pazo de Dodro, que era y no se si es, uno de los más hermosos entre los barrocos de la región. Halláronse los libros en la sala de la torre y en su antesala; no llegan a ciento cincuenta; pero, comprueba su examen particularidades que hacen digna de estudio esta colección [...] —Galiciana. Biblioteca Dixital de Galicia.
