Nohelí Pocaterra

En Galicitas, o Wikiquote en galego.
Saltar ata a navegación Saltar á procura

Nohelí Pocaterra, deputada indíxena venezolana.


Xuramento realizado no ano 2002 con motivo da oficialización das linguas indíxenas en Venezuela.

Xuro que considerarei deber primordial transmitir o idioma que aprendín dos meus pais e avós, a toda a miña descendencia para que así se perpetue polos séculos.
Xuro que falarei o meu idioma con pleno orgullo e con convición onde queira que me atope e sempre que teña ocasión de facelo.
Xuro que enaltecerei o meu idioma coma máxima expresión da creatividade e sabedoría do meu pobo.
Xuro que utilizarei a miña lingua salvagardando toda a súa riqueza expresiva sen interferencias de verbas e xiros procedentes doutras linguas.
Xuro que loitarei para que a miña lingua alcance o máis amplo uso social, dentro e fóra da miña comunidade, e obteña a máxima difusión e recoñecemento en todos os ámbitos sociais.
Xuro que propiciarei o uso da miña lingua en todos os medios de comunicación, de xeito tanto oral coma escrito. Que os nosos deuses e devanceiros sexan testemuñas da sinceridade destas verbas.