A esmorga

A esmorga é unha novela escrita por Eduardo Blanco Amor, publicada en Buenos Aires en 1959.

---

• ...púxenme agora a escribir esta crónica, e coasi corenta anos de tere recollida tan lene documentación e a noventa dos sucesos mesmos.

Sobre A esmorga

• Sendo eu un rapaz de cinco anos, estaba coa miña nai presenciando e "Encuentro" da procesión de Viernes Santo, nun balcón da plaza Maior de Ourense. O "Encuentro" era esactamente un auto sacramental mudo. Estóu vendo a un crego, ao que lle pagaban catro onzas por predicar toda a semá e que facía de coro de traxedia grega, estimulando e guiando as imáxenes. O ar cheiraba a perrita e sentíase un ruído de zocos pola plaza adiante. De repente, fíxose un claro de riña debaixo de nós. A miña nai colleume deseguida e xa non vin máis. Ao "Bocas" abríranlle o bandullo, e foise correndo, emparando as tripas que lle saían, hastra o hospital da plaza das Mercedes. De aquela navallada saíu A esmorga.

• Blanco Amor en: Casares, C. (Xullo-Setembro, 1973). "Leria con Eduardo Blanco-Amor". Grial (41): 337-344. ISSN 0017-4181. 

• ... O galego que eu tiña entón non me servía pra escribir a novela que eu quería, era moi limitado demáis. E eso levóu tempo, claro. Ás veces voltaba sobor das páxinas que levaba escritas e lía en voz alta pra ver a súa musicalidade, o ritmo do idioma que medraba, e non me gostaba, e veña a voltar atrás unha vez e outra. Hai partes de cinco ou seis redaccións até que atopaba o que buscaba...

• Blanco Amor en: Freixanes, Víctor F. (1976). Unha ducia de galegos. Vigo: Galaxia. pp. 91–94. ISBN 84-7154-248-X. 

• Ten tódalas trazas da crónica preanunciada, dentro dunha rica tradición retórica: a historia que se recita transmite ou documenta a outra, con frecuencia pouco probable nas súas distintas versións.

• Carreño, Antonio. 1986.

• Alén doutras diferencias técnicas -coa crónica preanunciada- no caso de A esmorga, a tradición retórica ponse ó servicio de posibilita-la creación dunha crónica testemuñal dende dentro, de carácter literario, pero coherente e realista, sobre a situación das clases populares.

• Rodríguez, Francisco. Eduardo Blanco Amor (o desacougo da nación negada).