Ramón Otero Pedrayo

Ramón Otero Pedrayo (Ourense, 1888-1976) foi un escritor, político e intelectual galego. Membro da Xeración Nós.

---

En entrevistas e declaracións

• Na miña casa, que era casa grande, falábase o galego na conversa íntima pero nada máis. Facíase en castelán a vida oficial e o galego era pra andar pola casa, lingua de xentiña sin futuro, que se podía empregar, se cadra, no vagar da conversa en familia ou cos criados e campesiños que andaban sempre antre nós.

• Freixanes 1982: 21.

Na sua obra literaria

• —¿E logo que hai de novo señora Delfina? ¿Quen é ese hóspede que ten no cuarto grande do balcón? —preguntou o sarxento da Garda Civil, pousando o vaso de Ribeiro e enxugando cun branco pano, dobrado en catro, os grandes bigotes de regulamento.

• "A serea", Contos do camiño e da rúa. Nós, Santiago de Compostela, 1932.

Sobre el

• A persoalidade literaria de Ramón Otero Pedrayo é moi complexa. Cultiva a literatura didáctica e a literatura poética. Dentro désta, a ficción, o drama e a lírica. É un polígrafo, como din del os xornalistas. E non esquezamos a súa importancia na literatura oral, é decir, na oratoria. Realmente no coñece a especialización nun xénero literario. Vitalmente, temperamentalmente, nega a delimitación rigurosa dos xéneros literarios. É o tipo de escritor diponíbel para calquer empresa preparado para a literatura en xeral, que pode abordar calquer xénero e mesturalos todos.

• Ricardo Carballo Calero, Historia da literatura galega contemporánea.