Nelson Mandela

De Wikiquote
Saltar a: navegación, procurar
Nelson Mandela
Nelson Mandela
Véxase tamén...
Wikipedia-logo-v2.svg Artigo na Galipedia
Commons-logo.svg Multimedia en Wikimedia Commons

Nelson Mandela (nado en 1918) político surafricano


  • A arma máis potente non é a violencia, senón falar coa xente.
  • A acción das masas ten a capacidade de derrocar gobernos.
  • A educación é a arma máis poderosa que podes usar para cambiar o mundo.
  • A coraxe non é a ausencia de medo, senón o triunfo sobre el. O valente non é aquel que non sente medo, senón aquel que conquista ese medo.
  • Da autobiografía «O longo camiño cara á liberdade», 1994.
  • A grandeza da vida non consiste en non caer nunca, senón en nos erguer cada vez que caemos.
  • Da autobiografía «O longo camiño cara á liberdade», 1994.
  • A liberdade é inútil se a xente non pode encher de comida os seus estómagos, se non pode ter refuxio, se o analfabetismo e as enfermidades seguen a perseguilos.
  • A morte é algo inevitable. Cando un home fixo o que el considera o seu deber para co seu pobo e o seu país, pode descansar en paz. Creo que eu fixen ese esforzo e que, polo tanto, descansarei para toda a eternidade.
  • Entrevista para o documental «Mandela», 1994.
  • Cando a auga comezou a ferver, apagar o lume xa non serve de nada.
  • Cuando decidimos tomar as armas foi porque a única opción restante era rendirse e someterse á escravitude.
  • Derrubar e destruír é moi fácil. Os héroes son aqueles que constrúen e que traballan pola paz.
  • Despois de escalar unha montaña moi alta, descubrimos que hai moitas outras montañas por escalar.
  • Da autobiografía «O longo camiño cara á liberdade», 1994.
  • Eu non tiña unha crenza específica, agás que a nosa causa era xusta, era moi forte e que estaba ganando cada vez máis e máis apoio.
  • Gústanme os amigos que teñen pensamentos independentes, porque adoitan facer que vexas os problemas desde todos os ángulos.
  • Loitar contra a pobreza non é un asunto de caridade, senón de xustiza.
  • Discurso na Praza Mary Fitzgerald de Johannesburgo, 2 de xullo de 2005.
  • Loitei contra a dominación branca e contra a dominación negra. Perseguín o ideal dunha sociedade libre e democrática onde todas as persoas vivan xuntas en harmonía e con igualdade de oportunidades. É un ideal polo que espero vivir e conseguir. Pero se é necesario, é un ideal polo que estou disposto a morrer.
  • 20 de abril de 1964, alegación no Xuízo de Rivonia.
  • Marcados nesas pedras vostede vai atopar a dor da nosa loita, a tristeza das nosas perdas e os alicerces da nosa vitoria.[1]
  • 1995, nunha visita á prisión da Illa Robben, onde pasou parte dos seus 27 anos na cadea.
  • Necesitamos situar a erradicación da pobreza no primeiro lugar das prioridades mundiais. Debemos ter claro que todos compartimos unha humanidade común e que a nosa diversidade en todo o mundo é a maior fortaleza do noso futuro conxunto.
  • Ninguén nace odiando ao outro pola cor da súa pel, a súa procedencia ou relixión. A xente aprende a odiar e, se poden aprender a odiar, tamén poden aprender a amar.
  • Da autobiografía «O longo camiño cara á liberdade», 1994.
  • No meu país, primeiro vas ao cárcere e logo convérteste en presidente.
  • Da autobiografía «O longo camiño cara á liberdade», 1994.
  • Non hai nada como volver a un lugar que parece non ter cambiado para descubrir en que cousas cambiaches ti mesmo.
  • Non pode haber unha revelación máis intensa da alma dunha sociedade que a forma en que trata os seus nenos.
  • Nunca, nunca, nunca máis deberá volver sufrir esta fermosa terra a opresión dun home sobre outro.
  • Discurso da súa toma de posesión como presidente, 10 de maio de 1994.
  • Nunca considerei a ningún home superior a min, nin dentro, nin fóra do cárcere.
  • Carta ao xeneral Du Preez, comisario de Prisións, desde o cárcere Robben Island, en Cidade do Cabo, 12 de xullo de 1976.
  • O deporte ten o poder de transformar o mundo. Ten o poder de inspirar, de unir a xente como poucas outras cousas. Ten máis capacidade que os gobernos de derrubar barreiras raciais.
  • O meu ideal máis querido é o dunha sociedade libre e democrática na que todos poidamos vivir en harmonía e con iguais posibilidades.
  • O que conta na vida non é o simple feito de ter vivido. Son os cambios que provocamos nas vidas dos demais o que determina o significado da nosa.
  • O perdón libera a alma, elimina o medo. Por iso é unha ferramenta tan poderosa.
  • O sostén de todos os meus soños é a sabedoría colectiva de toda a humanidade no seu conxunto.
  • Os verdadeiros líderes deben estar dispostos a sacrificalo todo pola liberdade do seu pobo.
  • Se agardas as condicións ideais, nunca se van dar.
  • Se eu tivese o tempo nas miñas mans faría o mesmo outra vez. O mesmo que faría calquera home que se atreva a chamarse a si mesmo un home.
  • Se queres facer as paces co teu inimigo, tes que traballar con el, daquela vólvese o teu compañeiro.
  • Sempre parece imposible ata que se fai.
  • Cita tradicionalmente atribuída a Mandela, mais o Centro da Memoria Nelson Mandela recoñece non saber situala.
  • Ser libre non é só liberarse das propias cadeas, senón vivir dunha forma que respecte e mellore a liberdade dos demais.
  • Only free men can negotiate; prisoners cannot enter into contracts. Your freedom and mine cannot be separated.
Só os homes libres poden negociar; os prisoneiros non poden meterse en contratos. A súa liberdade e a miña non se poden separar.
Rexeitando negociar pola súa liberdade logo de 21 anos na cadea.[2]
  • Citado en Time (25 de febreiro de 1985)
  • There are many people who feel that it is useless and futile for us to continue talking peace and non-violence — against a government whose only reply is savage attacks on an unarmed and defenceless people. And I think the time has come for us to consider, in the light of our experiences at this day at home, whether the methods which we have applied so far are adequate.
Hai moita xente que pensa que é inútil e van que continuemos a falar de paz e de non violencia contra un goberno cuxa única resposta son ataques salvaxes contra persoas desarmadas e indefensas. E penso que nos chegou o momento de considerar, á luz das nosas experiencias neste día na casa, se os métodos que levamos aplicado até agora son os adecuados.[3]
  • Entrevista en 1961.
  • Un Goberno que emprega a forza para impoñer o seu dominio, ensina os oprimidos a usaren a forza para se opoñeren a el.
  • Unha boa cabeza e un bo corazón é sempre unha formidable combinación.
  • Da autobiografía «O longo camiño cara á liberdade», 1994.
  • Viva a liberdade! O sol nunca iluminou un logro humano máis glorioso.


  1. 1995, nunha visita á prisión da Illa Robben, onde pasou parte dos seus 27 anos na cadea.
  2. Citado en Time (25 de febreiro de 1985)
  3. Entrevista en 1961.