Augusto Nicolás Calderón Sandino (n. Niquinohomo; 18 de maio de 1895 - m. Managua; 21 de febreiro de 1934) foi un patriota e revolucionario nicaraguano. É chamado «Xeral de Homes Libres» e é Heroe Nacional de Nicaragua.
«O amor á miña patria púxeno sobre todos os amores e ti debes convencerte que para ser feliz comigo, é bo que o sol da liberdade brille nas nosas frontes».
Carta á súa esposa Blanca Araúz de Sandino.
«Nun daqueles días manifestei aos meus amigos que se en Nicaragua houberan cen homes que a amaran tanto como eu, a nosa nación restauraría a súa soberanía absoluta. Os meus amigos contestáronme que posiblemente habería en Nicaragua ese número de homes, ou más».
«A soberanía non se discute, deféndese coas armas na man».
«Os pesimistas dirán que son moi pequeno para a obra que teño emprendida; pero a miña insignificancia está superada pola altivez do meu corazón de patriota, e así xuro ante a Patria e ante a historia que a miña espada defenderá, o decoro nacional e que será redención para os oprimidos».
Manifesto de San Albino, Nueva Segovia, 1 de xullo de 1927.
«Nós iremos cara ao sol da liberdade ou cara á morte; e se morremos, non importa, a nosa causa seguirá vivindo. Outros nos seguirán».
«Recibín a súa comunicación onte e estou entendido dela. Non me renderei e aquí os espero. Eu quero patria libre ou morrer. Non lles teño medo; conto co ardor do patriotismo dos que me acompañan».
Nota de resposta a G. D. Hatfield, Cap. U.S. Marine Corps, 12 de xullo de 1927.
«Son nicaraguano e síntome orgulloso de que nas miñas veas circule, máis que calquera, o sangue indio americano que por atavismo encerra o misterio de ser patriota leal e sincero».
«Eu non estou disposto a entregar as miñas armas en caso de que todos o fagan. Eu fareime morrer cos poucos que me acompañan porque é preferible facernos morrer como rebeldes e non vivir como escravos».