Afonso VIII de León e Galicia

En Galicitas, o Wikiquote en galego.
Afonso VIII de León e Galicia
Afonso VIII de León e Galicia
Afonso VIII de León e Galicia
Véxase tamén...
Artigo na Galipedia
Multimedia en Wikimedia Commons

Afonso VIII (Zamora 1171 - Sarria 1230), foi rei de León e Galicia de 1188 a 1230.




Eu don Alfonso porla gratia de Deus Rey de Leon a vos omes [do boo Burgo?], assy aos presentes como aos que an de víír, et a vossos fillos et a toda vossa generacion faço karta de donacion et texto de firmidũe, et dou a vos foros en que sempre vivades.[1]


Sobre el[editar]

AFONSO VIII: Fillo de Fernando II e de Urraca de Portugal, foi coroado en León, en 1188. Este rei foi chamado Afonso IX pola historiografía española, cando se inventou a listaxe dos reis de España. O motivo era que existía outro rei chamado Afonso VIII, do reino independente de Castela, e chamándolle noveno a Afonso de Galicia e León dábaselle unha imaxe de unidade histórica á coroa de Castela, que só obedece a un intento de mistifica-la sucesión monárquica dos reis de Galicia […] — Gran Enciclopedia Galega Silverio Cañada.[2]


Afonso, que non era o IX senón o VIII, governou entre 1188 e 1230, continuando a dinastía galaica orixinaria da que formou parte o seu avó, o rei de Galiza -coroado como tal na catedral de Santiago- e emperador Afonso VII. Denominándoo como noveno confúndense acriticamente o reino de Galiza co de Castela, que governaba o seu primo, de igual nome. — Camilo Nogueira (2008).[3]


Á sucesión de Afonso VII e durante os reinados de Fernando II e Afonso VIII (que será coñecido como Afonso IX pola historiografía para unificar as cronoloxías co Reino de Castela), reis de León e Galicia respectivamente, a relevancia política e relixiosa de Santiago de Compostela será a que manteña o peso específico do Reino de Galicia, aínda malia arredarse definitivamente Portugal. A la sucesión de Alfonso VII y durante los reinados de Fernando II y Alfonso VIII (que será conocido como Alfonso IX por la historiografía para unificar las cronologías con el Reino de Castilla), reyes de León y Galicia respectivamente, la relevancia política y religiosa de Santiago de Compostela será la que mantenga el peso específico del Reino de Galicia, aun a pesar de haberse desgajado definitivamente Portugal. — Antonio Míguez Macho (2011).[4]


Fernando II e Afonso VIII destacan polo seu apoio á consolidación de moitas cidades, e favorecen os cidadáns coa concesión de estatutos xurídicos propios (os foros ou cartas forais), que conforman un ámbito particular de administración autónoma… — Anselmo López Carreira (2013).[5]


Os nacionalistas denuncian que a información que actualmente se dá nos paneis informativos non se axusta á realidade. “Infórmase de que nese Panteón están os sarcófagos dos ‘reis de León’ –como os define a historiografía española- aínda que realmente se coroaron como ‘Reis da Galiza’- segundo figura en documentación e mapas da época. Ademais ao rei Alfonso VIII numérano como ‘Alfonso IX’ con intención de incluilo nunha ficticia nómina conxunta de Reis de Castela e León”, denuncian desde o BNG.[6]

Notas[editar]

  1. O Foro do bo burgo do Castro Caldelas, dado por Afonso IX en 1228 CCG.
  2. AA.VV. (2005). "Afonso VIII". Gran Enciclopedia Galega (DVD). El Progreso. ISBN 84-87804-88-8. 
  3. Nogueira Román, C. (26/9/2008). "Afonso VIII dito IX". El País (edición Galicia). 
  4. Míguez Macho, A. (2011). "Feudalismo en el Camino. Portugal y la época de Gelmírez". Historia breve de Galicia (en español). Sílex. p. 90. ISBN 978-84-7737-507-4. 
  5. López Carreira, A. (2013). "O apoxeo da sociedade feudal (sécs. XI-XIII)". Historia de Galicia. Xerais. p. 142. ISBN 978-84-9914-532-7. 
  6. "Por que os Reis de Galicia son nomeados como Reyes de León e non de Galicia?". historiadegalicia.gal. 29/8/2017.