Nineteen Eighty-Four

De Wikiquote
Saltar a: navegación, procurar
1984.png

Nineteen Eighty-Four (galego: 1984) é o título dunha novela de política ficción distópica escrita por George Orwell en 1948 e editada en 1949.


  • "(...)Se a liberdade significa algo, será, sobre todo, o dereito a dicirlle á xente aquilo que non quere oír".
  • "(...)Nunha época de universal engano, dicir a verdade constitúe un acto revolucionario".
  • * "A guerra é a paz.
a liberdade é a escravitude
a ignorancia é a forza"
  • "Se o Partido podía alargar a man cara ao pasado e dicir que este ou aquel acontecemento nunca ocorrera, isto resultaba moito máis horrible que a tortura e a morte."
  • "Diariamente e case minuto a minuto, o pasado era posto ao día."
  • "A mentira elixida pasaría aos rexistros permanentes e converteríase na verdade."
  • "A Winston resultáballe curioso que se puidesen crear homes mortos e non homes vivos. O camarada Ogilvy, que nunca existira no presente, era xa unha realidade no pasado."
  • "Como vas ter un slogan como o de "a liberdade é a escravitude" cando o concepto de liberdade non exista? Todo o clima do pensamento será distinto. En realidade, non haberá pensamento no sentido no que agora o entendemos. A ortodoxia significa non pensar, non necesitar o pensamento. A nosa ortodoxia é a inconsciencia." - Syme, falando da Neolengua
  • "Preguntouse, como xa o fixo moitas veces, se non estaría el tolo. Quizais un tolo era só unha "minoría dun". Houbo unha época en que foi sinal de tolemia crer que a Terra viraba en torno ao Sol: agora, era tolemia crer que o pasado é inalterable. Quizá fose el o único que sostiña esa crenza, e, sendo o único, estaba tolo. Pero a idea de ser un tolo non lle afectaba moito. O que lle arrepiaba era a posibilidade de estar equivocado."