Familia

En Galicitas, o Wikiquote en galego.
Retrato de familia dos Jaso: Enrique Jaso Paz (sentado no chan); Josefa Martínez San Juan (sentada na cadeira); a filla máis vella, Evangelina Jaso González, con cabeleira; o rapaz, Enrique Jaso González (ambos os dous son o froito do primeiro matrimonio do pai); outra nena máis nova, Josefita (no chan, acariñando ao can); e Loliña, no colo da nai.
  • Deus castiga nos fillos as culpas dos pais, porque sabe que non hai maior dor para os pais que a dor dos fillos. - Jacinto Benavente
  • O problema coa familia é que os fillos abandonan un día a infancia, pero os pais nunca deixan a paternidade. - Osho
  • O que é bo en familia, é tamén bo cidadán. - Sófocles
  • A familia é unha unidade de defensa na que cada un recibe segundo as súas necesidades e achega segundo as súas forzas. - Victoriano F. Calderón
  • A paz e a harmonía constitúen a maior riqueza da familia. - Benjamin Franklin
  • Felicidade dividido por dous multiplícase. - Leonid S. Sukhorukov
  • Demostrouse nun estudo tras outro que non existe ningunha estratexia de desenvolvemento eficaz en que non se reserve á muller un papel protagonista. Cando as mulleres poñen todo da súa parte, os resultados veñen inmediatamente: familias máis sas e mellor alimentadas, e maiores ingresos, aforros e reinversións. E o que sucede nas familias tamén ocorre nas comunidades e, ao longo prazo, en países enteiros. - Kofi Annan
  • Todas as familias ditosas parécense, pero as infelices sono cada unha ao seu xeito. - Frase inicial de Ana Karenina de Lev Tolstói
  • Unha casa será forte e indestrutíbel cando estea sostida por estas catro columnas: pai valente, nai prudente, fillo obediente, irmán compracente. - Confucio
  • Un bo pai vale por cen mestres. - Jean-Jacques Rousseau
wikipedia
wikipedia
Vexa o artigo da Wikipedia acerca de Familia (socioloxía)